|
| |
Sveitin Milli Sanda
Öræfi
Norðurljós yfir Öræfajökli, séð frá Hofsnesi.
Þar sem jöklar og fjöll kallast á við himininn
Velkomin í Öræfasveit
Fá héruð á landinu hafa um aldir sætt jafn
mikilli einangrun og Öræfasveit. Jökulvötnin sem renna til sjávar úr Vatnajökli
sáu löngum til bess að illfært var um héraðið hvort sem var fyrir ferðamenn eða
aðra. Gott dæmi um þetta er sú staðreynd að fram á miðja 20. öld voru mýs óþekkt
dýrategund í Öræfasveit. Fyrsta músin fannst í sveitinni upp úr 1960 og hefur
því stundum verið f leygt að slík haf i einangrun sveitarinnar verið áður fyrr
að kettir hafi drepist þar úr leiðindum.
Þessari einangrun Öræfasveitar létti árið 1974 þegar
Skeiðarárbrúin var tekin í notkun og sandarnir tengdust loks hringveginum um
landið. Eftir það hefur ferðamannastraumur um Öræfasveit farið vaxandi jafnt og
þétt og nú er svo komið að á annað hundrað þúsund ferðamenn fara um sveitina
árlega. En þrátt fyrir einangrun hefur ferðamannastraumur ávallt legið um
sveitina og krafist leiðsagnar yfir vötn og jökla. Því má segja að í Öræfasveit
sé löng hefð fyrir þjónustu við ferðamenn og fjölmargir íbúar sveitarinnar voru
landsþekktir vatnamenn og fylgdarmenn um jökla á árum áður. Aldagömul reynsla og
eðlislæg gestrisni Öræfinga hefur séð til þess að Öræfasveit er nú einn
vinsælasti áfangastaður ferðamanna á íslandi þrátt fyrir að skammt sé síðan
sveitin opnaðist. Og það með réttu því fá svæði á landinu bjóða ferðamönnum upp
á að njóta jafn fjölbreytilegrar náttúrufegurðar.
|
