Laugardagur

    Nokkur gengi voru mætt á ísklifurfestival og dreifðust um alla sveit á laugardag. Vont veður var í austurhluta sveitarinnar, en fínasta veður inni í Skaftafelli. Tvær langar leiðir voru klifraðar í Morsárdal, og væntanlega verða fleiri leiðir klifraðar þar á morgun, enda bara klst gangur, og margar óklifraðar leiðir í boði.
    Tvö klifurteymi fóru í Rótarfjall og klifruðu tvær massa leiðir þar. Eitt teymi klifraði Rookie Horror Show austan við Hnappavelli. Eitt teymi klifraði 100 metra 3 gráðu leið í Svínafelli, og fór svo upp að Svartafossi og klifraði 15 metra en fallega leið rétt við fossinn.

    Áfram verður klifrað á Sunnudag. Sumir stefna í Grasfróða við Hof, aðrir hafa hug á að finna sér óklifraða línu í Morsárdal upp vesturhlíðar Skaftafells.

Einar Öræfingur að leggja af stað upp stutta en bratta leið við Svartafoss.

Last edited: 13.01.2010